„Титаниумската среќа, како гром од ведро небо“ го осветли Штип и ѝ донесе автомобил на Радица Станкова од Штип, од првата серија на инстант лозот „Титаниум“.

До среќната добивка Радица стигнала со два инстант лоза. Првиот ѝ донел 100 денари а во вториот бил „паркиран“ автомобил FORD KUGA. Радица, која работи во текстилната индустрија ја „скрои“ својата среќна приказна заедно со Државна лотарија.

Среќниот лоз го купила на петок 13ти, наспроти митот за „баксузноста“ на денот. Како што вели таа, тој датум и претходно ѝ носел среќа. Овојпат среќата ѝ пристигна на четири тркала, а првото возење со радост го очекуваат и членовите на нејзиното семејство.

Нивната радост ја дели и продавачот од „ТОБИ ТОБАКО“ во Штип, од чијашто рака го купила добитниот лоз, а кој според зборовите на Радица, бил повозбуден од неа кога видел дека таа „изгребала“ голема добивка.

Ова изненадување Радица го доживува како најубав подарок пред нејзиното претстојно пензионирање, на 14 март, за само една недела. Вели дека радосната вест ја споделила со сите нејзини колеги кои поради нејзиниот пример сега се сосема уверени дека СРЕЌАТА Е НАСЕКАДЕ заедно со Државна лотарија.

А, кога среќата се бара и чудата се можни!