„Среќа на квадрат“ за Пере Бакев од Кавадарци со инстант лозот „Доме сладок доме“.

Среќниот добитник Пере Бакев „отклучи“ стан во Скопје со инстант лозот „Доме сладок доме“, купен во среќното место „НОН-СТОП СОЛА“. во Кавадарци. Пере вели дека е љубител на инстант лозовите, затоа што му е забавно самото очекување да се „изгребе“ добивка, независно од нејзината големина. Тој често се дружел со инстант лотаријата, предизвикувајќи ја среќата, па не пропуштил да се запознае со сите видови инстант лозови од портфолиото на Државна лотарија, забавувајќи се и со играта и со среќата преку овој вид игри на среќа.

И кога се чинело дека за него лозовите нудат повеќе забава од добивки, дошла оваа неочекувана средба со среќата.

Пере досега освоил помали парични добивки и добивки до 10 000 денари, па и сега не очекувал повеќе. Не ни замислувал дека овојпат среќата ќе го награди со стан во Скопје, со големина од 32м2, во вредност од 3 665 407 денари.

Интересно за оваа приказна е што Пере во првиот момент не го препознал добитниот број , помислил дека со овој лоз не освоил ништо и ќе ја пропуштел шансата, да не бил со него неговиот пријател којшто му посочил дека лозот е, сепак, добитен.

Иако за малку ќе ја фрлел добивката, среќата застанала на негова страна и така клучот за еден од петте стана на инстант лозот „Доме сладок доме“, стигна во неговите раце, а преку нив и до неговото семејство.

 Пере вели дека неговата радост споделена со блиските и пријателите ги поттикнала и нив почесто да ја предизвикуваат среќата со инстант лозовите на Државна лотарија.

Ние му честитаме на Пере Бакев, и се надеваме дека неговата среќна приказна и вам ке ви биде доказ дека СРЕЌАТА Е НАСЕКАДЕ!